314 Views
వికారాబాద్ : వికారాబాద్ జిల్లాలో పూడూరు మండల బీజేపీ అధ్యక్షుడు రాఘవేందర్ పై జరిగిన హత్యాయత్నం ఘటనలో ఉన్నతాధికారులు కీలక నిర్ణయం తీసుకున్నారు. ఈనెల 16న జరిగిన ఈ ఘటనలో రాఘవేందర్ ప్రయాణిస్తున్న కారులో హెడ్ కానిస్టేబుల్ పెంటయ్య, హోంగార్డు ఆంజనేయులు ఉన్నారని బీజేపీ నాయకులు జిల్లా ఎస్పీకి ఫిర్యాదు చేశారు. ఫిర్యాదు ఆధారంగా జరిగిన విచారణలో, రాఘవేందర్ అందజేసిన సీసీ ఫుటేజ్‌ల ఆధారంగా, ప్రైవేటు వాహనంలో హెడ్ కానిస్టేబుల్ పెంటయ్య, హోంగార్డు ఆంజనేయులు ఉన్నట్టు నిర్ధారించబడింది. దీనితో, ఈ ఇద్దరు పోలీసు సిబ్బందిని ఎస్పీ కార్యాలయానికి అటాచ్ చేస్తూ ఉన్నతాధికారులు ఆదేశాలు జారీ చేశారు. ఈ చర్యలు పోలీసు వ్యవస్థలో క్రమశిక్షణను నిర్ధారించడంలో భాగమని అధికారులు పేర్కొన్నారు.
