89 Views
అనంతగిరిడెస్క్(హైదరాబాద్): వేములవాడ శ్రీ రాజరాజేశ్వర స్వామి ఆలయ అభివృద్ధి పనులకు రూ. 50 కోట్లు కేటాయించినందుకు ముఖ్యమంత్రి ఎ. రేవంత్ రెడ్డికి ఆలయ అర్చకులు కృతజ్ఞతలు తెలియజేశారు.ఈ సందర్భంగా, విప్ ఆది శ్రీనివాస్ , ఆలయ అర్చకులు, మరియు ఇతర అధికారులు డా. బీఆర్ అంబేద్కర్ సచివాలయంలో ముఖ్యమంత్రిని కలిసి నిధుల కేటాయింపుకు ధన్యవాదాలు తెలియజేయడంతో పాటు, రాజన్న ఆలయ విస్తరణ ప్రణాళికలు, నమూనా అంగీకారానికి శృంగేరి పీఠం అనుమతి పొందాల్సిన అవసరం ఉందని వివరించారు.ముఖ్యమంత్రి ఎ. రేవంత్ రెడ్డి , వెంటనే ఈ అనుమతి పొందడానికి చర్యలు తీసుకోవాలని, తదుపరి పనులను చేపట్టేందుకు సంబంధిత అధికారులకు సూచించారు. రాజన్న ఆలయ అభివృద్ధి పనులపై నిఘా ఉంచడం, గడువులో పూర్తయ్యేలా చూడడం, సమన్వయం మరియు అనుమతి పొందడంలో సహాయపడాలని ముఖ్యమంత్రి హామీ ఇచ్చారు.
