News Portal - Latest News

బీజేపీ కౌన్సిలర్స్ ను సన్మానించిన వడ్లనందు

వికారాబాద్: మున్సిపల్ కౌన్సిల్‌లో ప్రమాణ స్వీకారం చేసిన నలుగురు మున్సిపల్ కౌన్సిలర్లను వికారాబాద్ అసెంబ్లీ కోఆర్డినేటర్ వడ్ల నందు సన్మానించారు. ఈ సందర్భంగా 33వ వార్డు కౌన్సిలర్ మరియు బీజేపీ కౌన్సిల్ ఫ్లోర్ లీడర్ అనిల్ యాదవ్, 5వ వార్డు కౌన్సిలర్ స్రవంతి శ్యామ్ రెడ్డి, 24వ వార్డు కౌన్సిలర్ రుచిత సాయి చరణ్ రెడ్డి, 28వ వార్డు కౌన్సిలర్ లావణ్య సురేందర్‌లను ఘనంగా అభినందించారు. ఈ సందర్భంగా వడ్ల నందు మాట్లాడుతూ. పట్టణ ప్రజల సమస్యలను గుర్తించి వాటి పరిష్కారానికి కృషి చేయాలని సూచించారు. ప్రతి వార్డులో ఉన్న సమస్యలపై వెంటనే స్పందించి, కౌన్సిల్‌లో ప్రజల తరపున పోరాడాలని కోరారు. ఈ కార్యక్రమంలో బీజేవైఎం జిల్లా అధ్యక్షులు సాయి చరణ్ రెడ్డి, మల్లా రెడ్డి, నర్సిములు, రాంచందర్ తదితర బీజేపీ నాయకులు పాల్గొన్నారు.

6 Apr 20261 min read

Featured

మర్పల్లి ఘటనపై మంత్రి దామోదర్ రాజనర్సింహ విచారం

వికారాబాద్, జూన్ 6: వికారాబాద్ జిల్లా మర్పల్లి మండల కేంద్రంలో హోటల్ భవనం పైకప్పు కూలి నలుగురు గాయపడిన ఘటనపై రాష్ట్ర వైద్య, ఆరోగ్య శాఖ మంత్రి దామోదర్ రాజనర్సింహ తీవ్ర విచారం వ్యక్తం చేశారు. ఈ ప్రమాదంలో గాయపడిన నలుగురిలో ఇద్దరిని సంగారెడ్డి జిల్లా ప్రభుత్వ ఆసుపత్రికి తరలించగా, మరో ఇద్దరు స్థానిక ప్రైవేట్ ఆసుపత్రిలో చికిత్స పొందుతున్నారు. ప్రభుత్వ ఆసుపత్రిలో చికిత్స పొందుతున్న క్షతగాత్రులకు అత్యుత్తమ వైద్య సేవలు అందించాలని మంత్రి దామోదర్ రాజనర్సింహ సంగారెడ్డి జిల్లా ప్రభుత్వ ఆసుపత్రి సూపరింటెండెంట్‌ను ఆదేశించారు. అలాగే ప్రైవేట్ ఆసుపత్రిలో చికిత్స పొందుతున్న మరో ఇద్దరి ఆరోగ్య పరిస్థితిపై జిల్లా వైద్య ఆరోగ్య శాఖ అధికారి (డీఎంహెచ్‌ఓ)ను అడిగి తెలుసుకున్నారు. వారికి కూడా మెరుగైన వైద్య సేవలు అందేలా చర్యలు తీసుకోవాలని సూచించారు. గాయపడిన వారు త్వరగా కోలుకోవాలని ఆకాంక్షించిన మంత్రి, బాధితులకు అవసరమైన వైద్య సహాయం అందించడంలో ఎలాంటి నిర్లక్ష్యం ఉండరాదని అధికారులకు స్పష్టం చేశారు. జిల్లా యంత్రాంగం పరిస్థితిని ఎప్పటికప్పుడు పర్యవేక్షిస్తూ బాధితులకు అవసరమైన సహాయ సహకారాలు అందిస్తోంది.

6 Jun 20261 min read

Featured

మర్పల్లి హోటల్ స్లాబ్ కూలిన ఘటన.. బాధితులను పరామర్శించిన స్పీకర్

వికారాబాద్ జిల్లా, జూన్ 6: వికారాబాద్ జిల్లా మర్పల్లి మండల కేంద్రంలో శనివారం విషాదకర ఘటన చోటుచేసుకుంది. ఎస్సీ కార్పొరేషన్ దుకాణ సముదాయంలోని ఖాన్ హోటల్ భవనం స్లాబ్ ఒక్కసారిగా కుప్పకూలడంతో నలుగురు శిథిలాల కింద చిక్కుకున్నారు. ఘటన జరిగిన వెంటనే స్థానికులు సహాయక చర్యలు చేపట్టి ఇద్దరిని సురక్షితంగా బయటకు తీశారు. చికిత్స కోసం సంగారెడ్డి ఆసుపత్రికి తరలించారు. ఈ ప్రమాద విషయం తెలుసుకున్న తెలంగాణ అసెంబ్లీ స్పీకర్, వికారాబాద్ ఎమ్మెల్యే గడ్డం ప్రసాద్ కుమార్ హుటాహుటిన ఘటనపై ఆరా తీసి పార్టీ శ్రేణులు, అధికారులను అప్రమత్తం చేశారు. బాధితులకు వెంటనే అవసరమైన సహాయం అందించాలని ఆదేశించారు. అనంతరం చికిత్స పొందుతున్న బాధితులను సంగారెడ్డి ఆసుపత్రిలో స్పీకర్ పరామర్శించారు. వారి ఆరోగ్య పరిస్థితిని వైద్యులను అడిగి తెలుసుకున్నారు. బాధితులకు మెరుగైన వైద్య సేవలు అందించాలని వైద్యులకు సూచించారు. ఈ సందర్భంగా బాధిత కుటుంబాలకు అండగా ఉంటామని, అవసరమైన సహాయ సహకారాలు అందించేందుకు చర్యలు తీసుకుంటామని స్పీకర్ గడ్డం ప్రసాద్ కుమార్ హామీ ఇచ్చారు. ఘటనపై స్థానిక అధికారులు పూర్తి వివరాలు సేకరిస్తున్నారు.

6 Jun 20261 min read

Featured

అంతర్జాతీయ సమీకృత ఫ్రూట్ మార్కెట్ ప్రారంభోత్సవానికి రైతుల తరలింపు

వికారాబాద్, జూన్ 6: రంగారెడ్డి జిల్లా పరిధిలో నూతనంగా నిర్మిస్తున్న అంతర్జాతీయ సమీకృత ఫ్రూట్ మార్కెట్ ప్రారంభోత్సవ కార్యక్రమానికి వికారాబాద్ నుంచి రైతులు, వ్యవసాయ మార్కెట్ కమిటీ ప్రతినిధులు పెద్ద సంఖ్యలో బయలుదేరారు. తెలంగాణ అసెంబ్లీ స్పీకర్, వికారాబాద్ ఎమ్మెల్యే గడ్డం ప్రసాద్ కుమార్ ఆదేశాల మేరకు, తెలంగాణ ముఖ్యమంత్రి ఎనుముల రేవంత్ రెడ్డి చేతుల మీదుగా నిర్వహించనున్న ఈ ప్రారంభోత్సవ కార్యక్రమానికి వికారాబాద్ వ్యవసాయ మార్కెట్ కమిటీ చైర్మన్ చాపల శ్రీనివాస్ ముదిరాజ్ ఆధ్వర్యంలో ఏర్పాట్లు చేపట్టారు. ఈ సందర్భంగా మార్కెట్ కమిటీ వైస్ చైర్మన్, డైరెక్టర్లు మరియు రైతులు పెద్ద సంఖ్యలో శంకుస్థాపన కార్యక్రమానికి హాజరయ్యేందుకు బయలుదేరారు. కార్యక్రమానికి వెళ్లే వాహనాలను ఏఎంసీ చైర్మన్ చాపల శ్రీనివాస్ ముదిరాజ్ జెండా ఊపి ప్రారంభించారు. అంతర్జాతీయ స్థాయి ఫ్రూట్ మార్కెట్ ఏర్పాటు వల్ల రైతులకు మెరుగైన మార్కెటింగ్ అవకాశాలు, నిల్వ సదుపాయాలు, ఎగుమతి అవకాశాలు పెరుగుతాయని నాయకులు ఆశాభావం వ్యక్తం చేశారు. కార్యక్రమంలో మార్కెట్ కమిటీ సభ్యులు, రైతులు, ప్రజాప్రతినిధులు పాల్గొన్నారు.

6 Jun 20261 min read

Featured

నిరుపేదలకు చేయూతగా సీఎం రిలీఫ్ ఫండ్ చెక్కుల పంపిణీ

వికారాబాద్, జూన్ 6: నిరుపేద కుటుంబాలకు ఆర్థిక భరోసా కల్పించే లక్ష్యంతో ప్రభుత్వం అందిస్తున్న ముఖ్యమంత్రి సహాయనిధి (సీఎంఆర్ఎఫ్) చెక్కులను వికారాబాద్ మండలానికి చెందిన లబ్ధిదారులకు పంపిణీ చేశారు. తెలంగాణ శాసనసభ స్పీకర్, వికారాబాద్ ఎమ్మెల్యే గడ్డం ప్రసాద్ కుమార్ ఆదేశాల మేరకు నిర్వహించిన ఈ కార్యక్రమంలో వికారాబాద్ మండల కాంగ్రెస్ పార్టీ అధ్యక్షుడు బిళ్లపాటి రాజశేఖర్ రెడ్డి, జిల్లా ఆర్టీఏ సభ్యుడు ఎర్రవల్లి జాఫర్, వికారాబాద్ వ్యవసాయ మార్కెట్ కమిటీ చైర్మన్ చాపల శ్రీనివాస్ ముదిరాజ్, వైస్ చైర్మన్ మల్లేశం తదితరులు పాల్గొని లబ్ధిదారులకు చెక్కులు అందజేశారు. ఈ సందర్భంగా నాయకులు మాట్లాడుతూ, స్పీకర్ గడ్డం ప్రసాద్ కుమార్ సహకారంతో నిరుపేద ప్రజలకు సీఎం రిలీఫ్ ఫండ్ ద్వారా ఆర్థిక సాయం అందుతోందని తెలిపారు. ఆర్థిక ఇబ్బందులు ఎదుర్కొంటున్న కుటుంబాలకు ఈ నిధులు ఎంతో ఉపయోగపడుతున్నాయని పేర్కొన్నారు. చెక్కులు అందుకున్న లబ్ధిదారులు తమకు అందించిన సహాయానికి స్పీకర్ గడ్డం ప్రసాద్ కుమార్‌కు కృతజ్ఞతలు తెలిపారు. కార్యక్రమంలో ఏఎంసీ డైరెక్టర్లు, సర్పంచ్‌లు, మండల కాంగ్రెస్ పార్టీ నాయకులు, కార్యకర్తలు పాల్గొన్నారు.

6 Jun 20261 min read

Featured

బీజేపీ కౌన్సిలర్స్ ను సన్మానించిన వడ్లనందు

వికారాబాద్: మున్సిపల్ కౌన్సిల్‌లో ప్రమాణ స్వీకారం చేసిన నలుగురు మున్సిపల్ కౌన్సిలర్లను వికారాబాద్ అసెంబ్లీ కోఆర్డినేటర్ వడ్ల నందు సన్మానించారు. ఈ సందర్భంగా 33వ వార్డు కౌన్సిలర్ మరియు బీజేపీ కౌన్సిల్ ఫ్లోర్ లీడర్ అనిల్ యాదవ్, 5వ వార్డు కౌన్సిలర్ స్రవంతి శ్యామ్ రెడ్డి, 24వ వార్డు కౌన్సిలర్ రుచిత సాయి చరణ్ రెడ్డి, 28వ వార్డు కౌన్సిలర్ లావణ్య సురేందర్‌లను ఘనంగా అభినందించారు. ఈ సందర్భంగా వడ్ల నందు మాట్లాడుతూ. పట్టణ ప్రజల సమస్యలను గుర్తించి వాటి పరిష్కారానికి కృషి చేయాలని సూచించారు. ప్రతి వార్డులో ఉన్న సమస్యలపై వెంటనే స్పందించి, కౌన్సిల్‌లో ప్రజల తరపున పోరాడాలని కోరారు. ఈ కార్యక్రమంలో బీజేవైఎం జిల్లా అధ్యక్షులు సాయి చరణ్ రెడ్డి, మల్లా రెడ్డి, నర్సిములు, రాంచందర్ తదితర బీజేపీ నాయకులు పాల్గొన్నారు.

6 Apr 20261 min read

Featured

మర్పల్లి ఘటనపై మంత్రి దామోదర్ రాజనర్సింహ విచారం

వికారాబాద్, జూన్ 6: వికారాబాద్ జిల్లా మర్పల్లి మండల కేంద్రంలో హోటల్ భవనం పైకప్పు కూలి నలుగురు గాయపడిన ఘటనపై రాష్ట్ర వైద్య, ఆరోగ్య శాఖ మంత్రి దామోదర్ రాజనర్సింహ తీవ్ర విచారం వ్యక్తం చేశారు. ఈ ప్రమాదంలో గాయపడిన నలుగురిలో ఇద్దరిని సంగారెడ్డి జిల్లా ప్రభుత్వ ఆసుపత్రికి తరలించగా, మరో ఇద్దరు స్థానిక ప్రైవేట్ ఆసుపత్రిలో చికిత్స పొందుతున్నారు. ప్రభుత్వ ఆసుపత్రిలో చికిత్స పొందుతున్న క్షతగాత్రులకు అత్యుత్తమ వైద్య సేవలు అందించాలని మంత్రి దామోదర్ రాజనర్సింహ సంగారెడ్డి జిల్లా ప్రభుత్వ ఆసుపత్రి సూపరింటెండెంట్‌ను ఆదేశించారు. అలాగే ప్రైవేట్ ఆసుపత్రిలో చికిత్స పొందుతున్న మరో ఇద్దరి ఆరోగ్య పరిస్థితిపై జిల్లా వైద్య ఆరోగ్య శాఖ అధికారి (డీఎంహెచ్‌ఓ)ను అడిగి తెలుసుకున్నారు. వారికి కూడా మెరుగైన వైద్య సేవలు అందేలా చర్యలు తీసుకోవాలని సూచించారు. గాయపడిన వారు త్వరగా కోలుకోవాలని ఆకాంక్షించిన మంత్రి, బాధితులకు అవసరమైన వైద్య సహాయం అందించడంలో ఎలాంటి నిర్లక్ష్యం ఉండరాదని అధికారులకు స్పష్టం చేశారు. జిల్లా యంత్రాంగం పరిస్థితిని ఎప్పటికప్పుడు పర్యవేక్షిస్తూ బాధితులకు అవసరమైన సహాయ సహకారాలు అందిస్తోంది.

6 Jun 20261 min read